| 自拍's profile=不屬於過去的*空間=PhotosBlogLists |  Tools  Help |
|
September 21 大事小事洗一只碗同幾只碟
係小事？
定係大事？
可以話係大事
亦都可以話係小事
大事
從你願唔原意洗哩幾只碗
就知你平時響屋企有幾甘皇帝
幾乎係飯來張口衣來伸手
雖講男人就係要響出面做大事
但係小事都做唔好點做大事？
正所謂治國先治家
做大事都要做好小事先
小事
洗哩少少野我唔覺得係咩
但係有時我只係希望你可以勤力D
我指既係響屋企做野既時候
洗幾只碟同碗好難為你咩？
我知道你係特別挑剔特別怕油跡
又特別怕邋遢
總既嚟講就係有少少哩方面既怪癖
雖然係甘講
但係
你甘大個人有手有腳
做埋人哋爸爸
應該要明白到好多野
係你要學識去做既
你已經唔係細路仔喇
唔可以下下唔想做既就唔做
唔想聼既就唔聼
唔想改既就唔改
你要我以後點同你相處？
相處無非都係在乎互相遷就忍讓
互相扶持互相幫助
響出面做野唔代表返到屋企就要變皇帝
有無唸過以後BB大咗
距有樣學樣
你無樹立一個勤奮獨立既榜樣
到時真係會又多一個皇帝仔喇
你指住距話距懶
距指住你話你懶
唔該你下次響屋企做家務既時候
可唔可以唔好甘多怨言
可唔可以唔好好似虐待你甘？
考慮下下一代
為哩個家出一分力
（如果你再講要你洗碗你就唔返屋企食飯D甘既説話威脅我哋既話，
我只可以講：如果以後你因爲甘唔返嚟食飯既話我就叫BB唔認你做老豆！）
July 06 無言究竟邊個幫你生個仔
邊個照顧緊個仔
邊個幫你洗衫
邊個幫你洗碗
心入面真係好唔平衡
唔明白點解你話乜都唔知
乜都唔清楚
都可以幫住前女友
頂撞自己既老婆
仲要搞到好似我屈距
你幫距平反甘
你有無唸過如果換轉你你會有乜感覺
我幫住我以前既男朋友頂撞你屈你
仲要幫人哋平反
你係咪仲可以當無事好正常
仲覺得你老婆我講義氣講道理
係咪人哋俾到好處你
人哋教識你D乜
你就當人哋係女神
連你老婆都唔可以語言上侵犯距
你一次又一次甘為咗哩個女人詆毀我
頂撞我
有甘既必要咩
究竟人哋係你老婆定我係你老婆
我真係覺得好疑惑
如果你係唔想承認我哩個老婆既存在
你可以開聲吖
我可以成全你
你可以到處去同人講你無老婆無仔
甚至無女朋友
我真係唔知點去面對你而家
我想暫時離開哩度
但係我卻一刻都無可能離開哩個屋企
因爲我仲要照顧個仔
原來婚姻真係就係甘既一回事
有咗個家真係有好多束縛
好多身不由己
June 26 感覺内心既想法已無處可訴係一篇我好早已經想寫既野
我感覺到自己已經好難再開口
同身邊既好友講自己既問題
因爲我既問題再唔係愛情問題甘簡單
而係婚姻問題
身邊既朋友哩一刻完全唔可能理解到我既問題
每次同距吵交
出現既問題我都好想搵人傾訴
但係我知道無任何一個人係我傾訴既對象
因爲連我身邊最好既知己
都覺得我可以同距結婚
距對我已經好好
我應該感到知足
問題就響哩度
人人覺都得
我甘快就可以同自己所愛既人結婚生仔
距對你又好
係一件好幸福既事
唔應該再有任何抱怨
唔應該再計較任何野
幸福係必然既
根本唔可能有問題出現
但係
我唔係唔知足
我唔係唔珍惜
而係一次又一次
一個又一個既問題
唔係我心入面可以輕易去承受既
我覺得有好多唸法
大家之間有存在既問題
我只係想傾訴
我只係想講出嚟會有人聼
有人理解
有人分析
有人會明白我既唸法
幸福唔係必然既
我好認同哩句説話
我唔係想講我而家唔幸福
只係每個家庭都會出現問題
只係問題大與小
能唔能夠解決
我依然相信我會幸福既
依然覺得自己會創造到一個幸福既家
會珍惜會愛護
天唔天真我唔知
會再有問題係一定既
但係生活就係如此這般......
忽略仲記得你經常挂響口邊既一句説話
“自細我就缺乏照顧”
當你講哩句話既時候
有無唸過以BB會對你講返同樣既説話
你應該明白到
你父母當年一樣同你而家甘
要顧及工作
要顧及自己既BB 即係你
但相比之下
你比距哋幸福
至少你而家可以話第日要返工
你母親就替你晚黑照顧BB
但你而家忽略咗一樣野
就係你自己感同身受既一樣野
如果以後BB同你講
“我自細就缺乏你既照顧”
我相信你到時一定體會到你父母既心情
你想BB以後會對你甘講嘛
我就唔希望距會對我甘講
我都系一個認爲自己自細缺乏家庭照顧既人
我家庭既複雜你未經歷過
正因爲甘
我唔想自己既下一代會有同樣既經歷
我更希望既係響我有生之年
有時間有能力既情況下
可以好好照顧距
關心距
或者今朝話你自私既語氣太重了
或者你覺得自己想做乜就做乜係好正常既
但你要明白
你而家係一個父親
一個家庭既成員
或者壓力係好大
但學你所講
邊個無壓力
就算我日日響屋企湊仔我都會有壓力
我只希望
你可以盡可能做多D作爲一個父親應該做既野同責任
唔好下下依賴同推卸
唔好下下只係要人體會你
June 22 病魔點解病魔要向一個甘天真無邪既BB落手
距仲唔明白咩叫發燒
距仲唔明白咩叫喉嚨痛
距仲未知食藥會苦
距見人督手指會好奇甘去望
直到自己被督先會號啕大哭
每次起身
距都好似平時甘玩
笑得好天真
但卻一面病容
39度3
令距不斷出汗
不停甘喊
奶奶都唔原意食
一心只係想訓覺
直到喊累了
喊到無力了
再次食住奶奶入睡
望住距
我只有既係無盡既痛心
希望既係病魔能夠快D遠離距
我寧願病嗰個係我......
無愛情=習慣我明白自己係一個點既人
或者係鍾意猜忌
或者係多愁善感
但係有時我係望既係平等
某些情況對我嚟講換轉係你
我都唔會好在意
只要唔好搞到甘不明不白
本來我真係無野既
你覺得我會有野
最後變咗你講既野令我有野
或者真係你表達方式有問題
但係可以怪我咩？
其實我都希望你可以明白到我
其實我唔係細路仔
唔係你做過既我就要同等去做
只係我希望你明白
其實我都可以無野既
點解你唔可以？
但又或者你可以無野既
我又唔可能當無事發生
算啦
有幾多對夫妻真係可以做到真正相愛
卻又互不在乎
或者我哋都可能有哩一日
當哩一日來臨既時候
我可以肯定甘講
除咗我哋都滿頭白髮既時候
就係大家互相之間已經唔存在愛情
存在既只係習慣
習慣大家既存在....... May 10 放棄與遺棄真係放棄了嗎？
感覺好無奈 好疑惑 好矛盾
點解魚與熊掌不能兼得？
點解響得到既同時又會失去？
我一直都無放棄
就如我性格一直都係甘硬頸
只係好多野
現階段多數只可以收埋響心裏面
當衆人疑問我是否已放棄
我内心卻想問∶
是否我已被遺棄？
.............................................
|
|
|||
|
|
